سنن دارمي

(حديث مرفوع) اخبرنا ابو الوليد، حدثنا زائدة، عن سليمان، عن سالم بن ابي الجعد، عن كريب، عن ابن عباس، عن ميمونة رضي الله عنها، قالت: وضعت للنبي صلى الله عليه وسلم ماء "فافرغ على يديه، فجعل يغسل بها فرجه فلما فرغ، مسحها بالارض او بحائط شك سليمان، ثم تمضمض واستنشق، فغسل وجهه وذراعيه وصب على راسه وجسده، فلما فرغ تنحى، فغسل رجليه"، فاعطيته ملحفة،"فابى، وجعل ينفض بيده"، قالت: فسترته حتى اغتسل، قال سليمان: فذكر سالم ان غسل النبي صلى الله عليه وسلم هذا كان من جنابة.

ام المومنین سیدہ میمونہ رضی اللہ عنہا نے کہا کہ: میں نے نبی صلی اللہ علیہ وسلم کے (غسل) کے لئے پانی رکھا تو آپ نے اپنے ہاتھوں پر انڈیلا، پھر شرمگاہ کو دھویا، اس کے بعد اس ہاتھ کو زمین پر یا دیوار پر (یہ سلیمان کا شک ہے) رگڑا، پھر کلی کی، ناک جھاڑی، چہرے اور ہاتھ کہنی تک دھوئے، اور اپنے سر و جسد مبارک کے اوپر پانی ڈالا، غسل سے فارغ ہوئے تو دور ہٹ کر دونوں پیر دھوئے۔ میں نے آپ کو چادر پیش کی لیکن آپ نے انکار کر دیا اور ہاتھ سے ہی پانی سونتنے لگے۔ سلیمان سے مروی ہے سالم نے کہا: یہ آپ کا غسل جنابت تھا۔

تخریج الحدیث: «إسناده صحيح، [مكتبه الشامله نمبر: 774]»
اس حدیث کی سند صحیح متفق علیہ ہے۔ دیکھئے: [بخاري 249]، [مسلم 317]، [أبوداؤد 245]، [ترمذي 103]، [نسائي 253]، [ابن ماجه 467]، [أبويعلی 7101]، [ابن حبان 1190]

وضاحت:
(تشریح حدیث 769)
اس حدیث سے غسلِ جنابت کا طریقہ معلوم ہوا، پہلے نجاست دور کی جائے، پھر وضو کر کے سارے بدن پر پانی بہایا جائے، پیر اس جگہ سے دور ہٹ کر دھوئے جائیں، تولیہ سے بدن پونچھنا اس حدیث سے ثابت نہیں ہوتا، اگر تولیہ سے بدن پونچھا جائے تو کوئی حرج بھی نہیں، کیونکہ آپ صلی اللہ علیہ وسلم نے کسی وقت انکار کیا تو کسی وقت استعمال بھی کیا ہے۔
واللہ اعلم۔

قال الشيخ حسين سليم أسد الداراني: إسناده صحيح

مزید تحكيم الحدیث فوائد و مسائل

حدیث نمبر: 771

پی ڈی ایف بنائیں اعراب

(حديث مرفوع) اخبرنا جعفر بن عون، حدثنا هشام بن عروة، عن ابيه، عن عائشة رضي الله عنها، قالت: كان رسول الله صلى الله عليه وسلم "يبدا فيغسل يديه، ثم يتوضا وضوءه للصلاة، ثم يدخل كفه في الماء فيخلل بها اصول شعره حتى إذا خيل إليه انه قد استبرا البشرة، غرف بيده ثلاث غرفات فصبها على راسه، ثم اغتسل"، قال ابو محمد: هذا احب إلي من حديث سالم بن ابي الجعد.

سیدہ عائشہ رضی اللہ عنہا نے کہا کہ رسول اللہ صلی اللہ علیہ وسلم غسل شروع کرتے تو پہلے ہاتھ دھوتے، پھر جیسے نماز کے لئے وضو کرتے ویسا ہی وضو کرتے، پھر ہاتھ میں پانی لے کر بالوں کی جڑوں میں خلال کرتے، اور جب اطمینان ہو جاتا کہ جڑوں تک پانی پہنچ گیا ہے تو تین بار چلو بھر کر اپنے سر پر پانی ڈالتے، پھر غسل فرماتے۔ امام دارمی ابومحمد رحمہ اللہ نے کہا: یہ طریقہ میرے نزدیک سالم بن ابی الجعد کی روایت سے زیادہ محبوب ہے۔

تخریج الحدیث: «إسناده صحيح، [مكتبه الشامله نمبر: 775]»
یہ حدیث بھی صحیح متفق علیہ ہے۔ دیکھئے: [بخاري 248]، [مسلم 316]، [أبوداؤد 242]، [ترمذي 104]، [أبويعلی 4482]، [ابن حبان 1191] و [مسند الحميدي 163]

وضاحت:
(تشریح حدیث 770)
یہ روایت بھی صحیح ہے اور اس میں صرف وضو کامل کا بیان ہے، یعنی وضو کرتے وقت آپ صلی اللہ علیہ وسلم پیر بھی دھو لیا کرتے تھے، دونوں روایات صحیح ہیں اس لئے کوئی سا بھی طریقہ اختیار کیا جائے صحیح ہے۔

قال الشيخ حسين سليم أسد الداراني: إسناده صحيح

مزید تحكيم الحدیث فوائد و مسائل

پچھلا باب اگلا باب