391. نیک بخت اور بد بخت کے بارے میں لکھ کر قلم خشک ہو چکے ہیں اور چار چیزوں سے فراغت ہو چکی ہے: اخلاق، پیدائش، موت اور رزق

392. اللہ ہر بندے کی پانچ چیزوں (کو لکھ کر ان) سے فارغ ہو چکا ہے: اس کا عمل، اس کی موت، اس کی زندگی، اس کا رزق اور اس کا ٹھکانا، کوئی بندہ ان (کے متعلق اللہ کی لکھت) سے آگے نہیں بڑھ سکتا

393. جو کچھ تجھ پر گزرنے والا ہے قلم اسے لکھ کر خشک ہو چکا ہے

394. تم لوگوں میں سب سے برا دو رُخے شخص کو پاؤ گے جو ان کے پاس ایک رخ لے کر جاتا ہے اور ان کے پاس دوسرا رخ لے کر جاتا ہے

395. لے نیک لوگ ایک ایک کر کے اٹھتے چلے جائیں گے یہاں تک کہ جو یا کھجور کے بھوسے کی مانند ردی قسم کے لوگ ہی باقی رہ جائیں گے، اللہ ان کی کچھ پروا نہیں کرے گا

396. ”تم میں سے کوئی اپنے بھائی کی آنکھ میں تنکا دیکھ لیتا ہے اور اپنی آنکھ میں شہتیر چھوڑ دیتا ہے

397. بڑی خیانت یہ ہے کہ تو اپنے بھائی سے کوئی ایسی بات کرے جس میں وہ تجھے سچا سمجھے جبکہ تو اس سے جھوٹ بولے

398. یسے لگتا ہے جیسے حق اس دنیا میں (ہمارے بجائے) ہمارے غیروں پر واجب ہوا ہے اور جیسے موت اس (دنیا) میں (ہم پر نہیں) ہمارے غیروں پر لکھی گئی ہے جیسے مُردوں میں سے جن کی ہم مشایعت کرے ہیں وہ مسافر ہیں اور تھوڑے ہی عرصے تک ہماری طرف واپس آنے والے ہیں، ہم خود انہیں ان کی قبروں میں دفن کرتے ہیں اور ان کی میراث ایسے کھاتے ہیں جیسے ہم ان کے بعد ہمیشہ رہیں گے ہم تو ہر طرح کی نصیحت بھول چکے ہیں اور ہر مصیبت سے امن میں ہیں، خوشخبری ہے اس شخص کے لئے جس کے عیب اسے لوگوں کے عیوب سے غافل رکھیں اور وہ اپنے کمائے ہوئے مال کو گناہ کی جگہ پر خرچ نہ کرے اور اہل فقہ و حکمت سے میل جول رکے اور اہل ذلت و گناہ سے علیحدہ رہے، خوشخبری ہے اس شخص کے لئے جس نے اپنے آپ کو کمتر سمجھا اور اپنے اخلاق کو اچھا کیا اور ضرورت سے زائد مال میں سے خرچ کیا اور غیر ضروری بات سے رکا رہا اور سنت نے اسے وسیع کیا اور اس چھوڑ کر بدعت کی طرف مائل نہ ہوا۔

399. خوشخبری ہے اس شخص کے لئے جس کی کمائی پاکیزہ ہو، جس کا باطن اچھا ہو، جس کا ظاہر عمدہ ہو اور جس نے اپنی برائی لوگوں سے دور رکھی، خوشخبری ہے اس شخص کے لئے جس نے اپنے علم پر عمل کیا

400. خوشخبری ہے اس شخص کے لیے جسے اسلام کی ہدایت مل گئی اور جس کی گزران بقدر کفاف ہو اور وہ قناعت کی دولت سے بہرہ ور ہو

401. ابن آدم! تیرے پاس وہ ہے جو تجھے کافی ہے جبکہ تو ایسی چیز طلب کرتا ہے جو تجھے سرکش بنا دے۔ ابن آدم! تو تھوڑے پر قناعت نہیں کرتا اور زیادہ سے سیر نہیں ہوتا

402. تم سفارش کرو تمہیں اجر دیا جائے گا

403. سفر کیا کر و صحت مند رہوگے اور غنیمتیں حاصل کرو گے

404. آسانی کرو سختی نہ کرو، اطمینان دلاونفرت نہ پھیلاؤ

405. میانہ روی اختیار کرو اور سید ھے سیدھے رہو

406. وقتاً فوقتاً (اپنے مسلمان بھائی کی) زیارت کیا کر محبت میں اضافہ ہوگا

407. اسے باندھ اور (پھر اللہ پر) توکل کر

408. جن کی تو عیال داری کرتا ہے (صدقہ و خیرات) ان سے شروع کر

409. تو لوگوں کو آزما (جب تو انہیں آزمائے گا تو ان کے دلی جذبات تجھ پر عیاں ہو جائیں گے تو) تو ان سے قطع تعلق پر مجبور ہو جائے گا

410. علم کولکھ کر محفوظ کر لو

411. قرض کم لو آزاد رہو گے، گناہ کم کرو موت تم پر آسان رہے گی، اور دیکھ سوچ لو کہ (حصول) اولاد (کے لیے اپنا نطفہ) کہاں گرا رہے ہو کیونکہ (قرابت کی) رگ (بڑوں کا اخلاق اولاد میں) کھینچ لانے والی ہے

412. پرہیز گار بنو لوگوں میں سب سے زیادہ عبادت گزار ہو جاؤ گے، قناعت اختیار کرو لوگوں میں سب سے زیادہ شکر گزار بن جاؤ گے، لوگوں کے لیے وہی پسند کرو جو اپنے لیے پسند کرتے ہو مومن بن جاؤ گے اور اپنے پڑوسی کے ساتھ اچھا سلوک کرو (حقیقی) مسلمان بن جاؤ گے

413. ابوہر! اپنے پڑوسی کے ساتھ اچھا سلوک کرو (حقیقی) مسلمان بن جاؤ گے، اپنے ساتھی کے ساتھ حسن سلوک کرو مومن بن جاؤ گے، اللہ کے فرائض پر عمل کر و عبادت گزار بن جاؤ گے اور اللہ کی تقسیم پر راضی رہو زاہد بن جاؤ گے۔

414. دنیا سے بے رغبتی اختیار کرو اللہ تم سے محبت کرے گا اور لوگوں کے پاس جو کچھ ہے اس سے بے نیاز رہو لوگ تم سے محبت کریں گے

415. دنیا میں ایسے رہو گویا ایک پردیسی ہو یا گویا ایک راہ گیر ہو اور اپنے آپ کو قبر والوں میں شمار کرو

416. جس چیز میں شک ہو اسے چھوڑ کر اسے اختیار کرو جس میں شک نہ ہو

417. اپنے بھائی کی مدد کرو خواہ وہ ظالم ہو یا مظلوم۔

418. تم زمین والوں پر رحم کرو آسمان والا تم پر رحم کرے گا

419. نرمی برتو تمہارے ساتھ بھی نرمی برتی جائے گی

420. وضو مکمل کرو تمہاری عمر میں اضافہ ہوگا، اپنے گھر والوں کو سلام کرو تمہارے گھر میں خیر و برکت بڑھے گی

421. جہاں تک ممکن ہو مانگنے سے بچو

422. حق بات کہو اگر چہ وہ کڑوی ہی ہو

423. جہاں کہیں بھی ہو اللہ تعالیٰ سے ڈرتے رہو اور گناہ کے بعد نیکی کرلیا کرو وہ (نیکی) اس (گناہ) کو مٹا دے گی اور لوگوں کے ساتھ حسن اخلاق سے پیش آؤ

424. اپنے رشتے ناطے تروتازہ رکھو اگر چہ سلام کے ذریعے ہی ہو

425. آپس میں تحائف دیا کرو باہمی محبت بڑھے گی، ہجرت کیا کرو تمہاری آل اولاد کی عزت و بزرگی میں اضافہ ہوگا اور معزز لوگوں کی خطاؤں سے درگزر کیا کرو

426. آپس میں تحائف دیا کرو کیونکہ تحفہ سینے کا کینہ دور کرتا ہے

427. آپس میں تحائف دیا کرو باہمی محبت پیدا ہوگی

428. آپس میں تحائف دیا کرو کیونکہ تحفہ کینے کو دور کرتا ہے

429. آپس میں تحائف دیا کرو کیونکہ یہ محبت بڑھاتا ہے اور سینے کی کدورتیں دور کرتاہے

430. آپس میں تحائف دیا کرو کیونکہ تحفہ عداوت دور کرتا ہے

431. خیر و بھلائی خوبصورت چہروں کے پاس طلب کرو۔

432. مجھ سے (جو سنو آ گے) پہنچا دو، خواہ ایک آیت ہی ہو اور بنی اسرائیل سے بیان کرو کوئی حرج نہیں

433. مومن کی فراست سے ڈرو کیونکہ وہ اللہ کے نور سے دیکھتا ہے

434. تعمیرات کے سلسلے میں حرام مال سے بچو کیونکہ وہ خرابی کی جڑ ہے

435. اپنی اولاد کو عزت دو اور انہیں اچھے ادب سکھاؤ

436. اچھی بات کہو فائدہ میں رہو گے اور بری بات سے خاموش رہو سلامتی میں رہو گے

437. اپنے نطفوں کے لیے (بہتر عورتوں کا) انتخاب کرو

438. لذتوں کو تباہ کرنے والی (موت) کو کثرت سے یاد کرو

439. گھڑی دو گھڑی دلوں کو راحت پہنچا لیا کرو

440. عمامہ باندھا کرو تمہارے حلم میں اضافہ ہوگا

441. تم عمل کرتے رہو ہر شخص کے لئے وہ عمل آسان کردیا جاتا ہے جس کے لئے وہ پید کیا گیا ہے

442. محبت کرنے والی، زیادہ بچے جننے والی عورت سے شادی کرو

443. سحری کیا کرو کیونکہ سحری میں برکت ہے

444. آگ سے بچو اگر چہ کھجور کے ایک ٹکڑے کے ساتھ ہی ہو

445. کنجوسی سے بچو کیونکہ اس نے تم سے پہلے لوگوں کو ہلاک کر دیا تھا

446. لوگوں سے بے نیاز رہو اگر چہ مسواک ہی کا معاملہ ہو

447. عورتوں کو واجبی سے کپڑے دو تاکہ وہ اپنے گھروں میں ٹکی رہیں

448. عورتوں کے بارے میں خیر کی نصیحت قبول کرو کیونکہ وہ تمہارے پاس قیدی ہیں

449. اپنے مالوں کو زکواۃ کے ذریعے محفوظ کرو، اپنے مریضوں کا صدقہ کے ذریعے علاج کرو اور مصیبت کا دعا کے ذریعے سامنا کرو

450. رقت طاری ہوتے وقت دعا کو غنیمت جانو کیونکہ وہ رحمت ہے

451. (اپنی دعاؤں میں) یا ذالجلال والاکرام کو خوب اہتمام کرو

452. رزق کھیتی میں تلاش کرو

453. جہاں تک ہوسکے دنیا کے غموں سے فارغ رہو

454. اپنا غلہ ماپ لیا کرو تمہارے لیے برکت ہوگی

455. تم خیر و بھلائی میرے بندوں میں سے رحم کرنے والوں کے پاس طلب کرو ان کے سائے میں زندگی گزارو

456. خیر وبھلائی ہر وقت طلب کرو

457. وضو کا پانی جمع کرو اللہ تمہارے پراگندہ حالات درست فرما دے گا

458. فجر کو خوب روشن کرو کیونکہ وہ ثواب میں زیادہ باعث اجر ہے

459. زمین سے تمیم کرو کیونکہ وہ تم پر شفقت کرنے والی ہے

460. لوگوں کو (آزاد) چھوڑ دو اللہ تعالیٰ بعض کو بعض کے ذریعے رزق دیتا ہے

461. اپنے معاملات کو پوشیدہ رکہنے سے مدد حاصل کرو

462. اپنی ضروریات پوری کرنے پر رازوں کو پوشیدہ رکھنے سے مدد حاصل کرو

463. گھر خریدنے سے پہلے اچھا پڑوسی تلاش کرو

464. تم علاج معالجہ کرو کیونکہ جس ذات نے بیماری اتاری ہے اس نے دوا بھی اتاری ہے

465. (روبرو) تعریف کرنے والوں کے چہروں پر مٹی ڈالو

466. جب تمہیں امارت سونپی جائے تو اچھا معاملہ کرو اور اپنی رعایا سے درگزر کرو

467. اپنا کھانا متقی لوگوں کو کھلاؤ اور مومنوں کے ساتھ بھلائی کرو

468. اس لالچ سے اللہ کی پناہ مانکو جو (دلوں پر) مہر لگنے کی طرف پہنچا دے

469. حصول دنیا کے لیے اچھا طریقہ اختیار کرو

470. تم اپنی دنیا کو درست رکھو اور اپنی آخرت کے لیے عمل کرو

471. سلام کو عام کرو سلامت رہو گے

472. سلام عام کرو، کھانا کھلاؤ

473. میرے صحابہ کے بارے میں میرا خیال رکھو، بے شک وہ میری امت کے بہترین لوگ ہیں

474. میری عترت (خاص الخاص رشتے داروں) کے بارے میں میرا خیال رکھو

475. عقل والوں سے راہنمائی طلب کرو راہنمائی پا لو گے

476. مرنے سے پہلے اپنے رب کی طرف رجوع کر لو

477. جب کسی شرعی حد کا معاملہ نہ ہو تو صاحب مروت لوگوں کو سزا دینے سے پہلو تہی کرو

478. سخی آدمی کی لغزش سے پہلو تہی کرو کیونکہ وہ جب بھی پھسلتا ہے اللہ اس کا ہاتھ تھام لینے والا ہے

479. مریض کی عیادت کرو

480. تم میں سے ہر شخص کا دنیا میں اتنا ہی خرج وحصہ ہونا چاہیے جتنا کہ ایک سوار کا تو شہ ہوتا ہے

481. پانچ چیزوں کو پانچ چیزوں سے پہلے غنیمت جانو

482. بندے کو چاہیے کہ اپنے نفس سے اپنے لیے (تو شہ اور زاد راہ) پکڑ لے

483. دنیا میں مہمان بن کر رہو

484. گواہوں کی عزت کرو

485. مظلوم کی بددعا سے بچو

486. تین آدمیوں پر رحم کھاؤ

487. رات کا کھانا کھایا کرو اگرچہ مٹھی بھر ردی کھجور ہی کیوں نہ ہو

488. جو تم سے نچلے درجے میں ہے اس کی طرف دیکھو

489. مسلمانوں کے راستے سے تکلیف دہ چیز ہٹا دیا کر تیری نیکیوں میں اضافہ ہوگا

490. اپنے دوست سے ایک حد تک ہی محبت کر

491. میں تجھے اللہ کا تقویٰ اختیار کرنے کی وصیت کرتا ہوں کیونکہ وہ تیرے کام کی بنیاد ہے

492. قرآن پڑھ وہ تجھے (برائی سے) روکے گا

493. جس نے تیرے پاس امانت رکھی ہو اس کی امانت ادا کر

494. مزدور کا پسینہ خشک ہونے سے پہلے اس کی مزدوری ادا کردو

495. تو اللہ (کے احکام) کی حفاظت کر اللہ تیری حفاظت کرے گا

496. آپ جتنا چاہیں جی لیں بالآخر آپ نے مرنا ہے

497. اس شخص کے ساتھ نیکی کر جو اس کا مستحق ہو

498. اے سختی! تو جہاں تک پہنچنا چاہتی ہے پہنچ جا (بالآخر خود بخود) تو دور ہو جائے گی

499. اے بلال! تم خرچ کرو اور عرش والے سے کمی کا خوف نہ کرو

500. رات کے اندھیروں میں چل کر مسجدوں کی طرف آنے والوں کو روز قیامت مکمل نور کی بشارت دے دو

501. دین دار عورت حاصل کر تیرے ہاتھ خاک آلود ہوں

502. ان اعمال کو لازم پکڑو جن کی تم طاقت رکھتے ہو کیونکہ اللہ نہیں تھکتا تم تھک جاتے ہو

503. جب تم تولو تو جھکا کر تولو

504. جب تمہارے پاس کسی قوم کا کوئی معز زشخص آئے تو اس کی عزت کرو

505. جب تمہارے پاس ملاقات کرنے والا آئے تو اس کی عزت کرو

506. جب تجھے غصہ آئے تو خاموش ہوجا

507. جب تم میں سے کوئی شخص اپنے بھائی سے محبت کرے تو اسے آگاہ کر دے

508. جب دو خلیفوں کے لئے بیعت لی جائے تو ان میں سے دوسرے کو قتل کردو

509. جب تم میں سے کوئی شخص آرزو کرے تو اسے دیکھ لینا چاہئے کہ وہ کس چیز کی آرزو کر رہا ہے کیونکہ اسے علم نہیں کہ اس کی آرزو میں سے اس کے لئے کیا کچھ لکھا جائے گا

510. جس نے میانہ روی اختیار کی وہ محتاج نہیں ہوگا

511. الله تعالىٰ جہالت کے سبب کبھی عزت نہیں دیتا

512. رحمت کسی بد بخت ہی سے چھینی جاتی ہے

513. مشورہ کرنے سے بندہ کبھی ناکام نہیں ہوتا

514. جو شخص استخارہ کرے وہ نا کام نہیں ہوتا

515. وہ شخص قرآن پر ایمان نہیں لایا جس نے اس کی حرام کردہ چیزوں کو حلال جانا

516. بندے کو صبر سے زیادہ فراخ اور کشادہ کوئی رزق نہیں دیا گیا

517. صدقہ جس مال میں بھی مل جائے اس (مال) کو تباہ کر دیتا ہے

518. صدقہ کرنے سے مال کم نہیں ہوتا

519. میں نے اپنے بعد مردوں پر عورتوں سے بڑا مضر کوئی فتنہ نہیں چھوڑا

520. جس نے استغفار کیا اس نے (گناہ پر) اصرار نہیں کیا اگر چہ وہ دن میں ستر بار بھی (اس گناہ کا) اعادہ کرے

521. بندہ جس قدر اچھا صدقہ کرتا ہے اللہ اس کے ترکے پر اسی قدر اچھے وارث بناتا ہے

522. میں نے جہنم جیسی کوئی (خوفناک) جگہ نہیں دیکھی کہ جس سے بھاگنے والا (غفلت کی نیند) سو رہا ہو اور نہ جنت جیسی کوئی (نعمتوں والی) جگہ دیکھی کہ جس کا طالب (غفلت کی نیند) سورہا ہو

523. جس چیز میں رفق ہوا سے یہ خوشنما بنا دیتی ہے اور جس چیز میں اکھٹرپن ہوا سے یہ بدنما بنا دیتی ہے

524. اللہ کی نظر میں وہی بندہ ذلیل و حقیر ہے جو علم وادب سے محروم ہو

525. الله نے جو بهی بيماری نازل كی ہے اس كی شفا بھی اتاری ہے

526. اللہ تعالیٰ نے بندے کو اس کے دین اور اس کی شرم گاہ کی غفلت و پاکدامنی سے بڑھ کر کسی زینت کے ساتھ مزین نہیں کیا

527. جس بندے پر اللہ کی نعمت زیادہ ہو جاتی ہے اس پر لوگوں کی ضروریات کا بوجھ بھی بڑھ جاتا ہے

528. اللہ جس بندے کے گناہ پر دنیا میں پردہ پوشی فرما دے تو قیامت کے دن اسے (گناہ) پر عار نہیں دلائے گا