الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
مسند الشهاب
احادیث601 سے 800 509. «إِذَا تَمَنَّى أَحَدُكُمْ فَلْيَنْظُرْ مَا يَتَمَنَّى فَإِنَّهُ لَا يَدْرِي مَا كُتِبَ لَهُ مِنْ أُمْنِيَّتِهِ» جب تم میں سے کوئی شخص آرزو کرے تو اسے دیکھ لینا چاہئے کہ وہ کس چیز کی آرزو کر رہا ہے کیونکہ اسے علم نہیں کہ اس کی آرزو میں سے اس کے لئے کیا کچھ لکھا جائے گا
سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا۔۔۔۔ اور انہوں نے یہ حدیث بیان کی۔ ”جب تم میں سے کوئی شخص آرزو کرے تو اسے دیکھ لینا چاہئے کہ وہ کس چیز کی آرزو کر رہا ہے کیونکہ اسے علم نہیں کہ اس کی آرزو میں سے اس کے لئے کیا کچھ لکھا جائے گا“۔
تخریج الحدیث: «إسناده حسن، وأخرجه أحمد: 357/2، الادب المفرد: 794، طيالسي: 2462»
وضاحت:
تشریح: - مطلب یہ ہے کہ آرزو اور تمنا سوچ سمجھ کر کرنی چاہیے کیونکہ انسان نہیں جانتا کہ جو چیز وہ مانگ رہا ہے اس کے حق میں بہتر ہے یا نقصان دہ؟ انسان کو علم نہیں کہ میرے لیے کون سی خواہش مفید ہے اور کون سی مضر؟ اگر غلط خواہش کرے گا تو ممکن ہے کہ اسے وہی مل جائے یوں اس کی خواہش اور آرزو ہی اس کے نقصان کا باعث بن جائے لہٰذا انسان کو چاہیے کہ ہمیشہ اچھی چیز کی خواہش کرے اور اللہ تعالیٰ ٰ سے اس کی رحمت اور بھلائی کا طلب گار رہے۔  |
http://islamicurdubooks.com/ 2005-2023 islamicurdubooks@gmail.com
No Copyright Notice.
Please feel free to download and use them as you would like.
Acknowledgement / a link to www.islamicurdubooks.com will be appreciated.