الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
مسند الشهاب
احادیث601 سے 800 454. «كِيلُوا طَعَامَكُمْ يُبَارَكْ لَكُمْ فِيهِ» اپنا غلہ ماپ لیا کرو تمہارے لیے برکت ہوگی
سیدنا مقدام بن معدی کرب رضى اللہ عنہ سیدنا ابوایوب رضى اللہ عنہ سے روایت کرتے ہیں انہوں نے کہا: کہ رسول اللہ صلى اللہ علیہ وسلم نے فرمایا اور انہوں نے یہ حدیث بیان کی۔ اپنا غلہ ماپ لیا کرو اس میں تمہارے لئے برکت ہوگی۔
تخریج الحدیث: «صحيح، وأخرجه ابن ماجه فى «سننه» برقم: 2232، والبيهقي فى «سننه الكبير» برقم: 11284، والطبراني فى «الكبير» برقم: 3859، وأحمد فى «مسنده» برقم: 23991»
سیدنا مقدام رضى اللہ عنہ نبی صلى اللہ علیہ وسلم سے روایت کرتے ہیں کہ آپ صلى اللہ علیہ وسلم نے فرمایا: ”اپنا غلہ ماپ لیا کرو تمہارے لیے برکت ہوگی“
تخریج الحدیث: «صحيح، وأخرجه البخاري فى «صحيحه» برقم: 2128، وابن حبان فى «صحيحه» برقم: 4918، والطبراني فى «الكبير» برقم: 643، والبيهقي فى «سننه الكبير» برقم: 11281، 11282، 11283، وأحمد فى «مسنده» برقم: 17450»
وضاحت:
تشریح: - یہ حکم غلہ کی خرید و فروخت کے وقت ہے یعنی غلہ کی خرید و فروخت کرتے ہوئے اسے ماپ لینا چاہیے اگر چہ اندازے سے خریدنا بہی جائز ہے لیکن ماپ تول کر لینا مستحب اور افضل ہے اس سے چیز میں برکت آتی ہے علماء کا کہنا ہے کہ برکت کا اصل سبب نبی کریم صلى اللہ علیہ وسلم صلى اللہ علیہ وسلم کے حکم کی بجا آوری ہے گویا نبی صلى اللہ علیہ وسلم کے فرمان عالی شان کی تعمیل حصول برکت کا ذریعہ ہے اور عدم تعمیل میں نحوست ہے اس سے برکت اٹھ جاتی ہے۔ |
http://islamicurdubooks.com/ 2005-2023 islamicurdubooks@gmail.com
No Copyright Notice.
Please feel free to download and use them as you would like.
Acknowledgement / a link to www.islamicurdubooks.com will be appreciated.