الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
| احادیث601 سے 800 488. انْظُرُوا إِلَى مَنْ هُوَ أَسْفَلَ مِنْكُمْ جو تم سے نچلے درجے میں ہے اس کی طرف دیکھو
سیدنا ابوہریرہ رضی اللہ عنہ نبی صلی اللہ علیہ وسلم سے روایت کرتے ہیں کہ ”جو تم سے نچلے درجے میں ہے اس کی طرف دیکھو اور جو تم سے اوپر درجے والا ہے اس کی طرف مت دیکھو کیونکہ یہ اس بات کے لیے زیادہ مناسب ہے کہ تم اپنے اوپر اللہ کی کسی نعمت کو حقیر نہ سمجھو۔“
تخریج الحدیث: «صحيح، وأخرجه البخاري فى «صحيحه» برقم: 6490، ومسلم فى «صحيحه» برقم: 2963، والترمذي فى «جامعه» برقم: 2513، وابن ماجه فى «سننه» برقم: 4142، وابن حبان فى «صحيحه» برقم: 711، والحميدي فى «مسنده» برقم: 1097، وأحمد فى «مسنده» برقم: 7439»
سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”جو تم سے نچلے درجے میں ہے اس کی طرف دیکھو اور جو تم سے اوپر درجے والا ہے اس کی طرف مت دیکھو کیونکہ یہ اس بات کے لیے زیادہ مناسب ہے کہ تم اپنے اوپر اللہ کی کسی نعمت کو حقیر نہ سمجھو۔“
تخریج الحدیث: «صحيح، وأخرجه البخاري فى «صحيحه» برقم: 6490، ومسلم فى «صحيحه» برقم: 2963، والترمذي فى «جامعه» برقم: 2513، وابن ماجه فى «سننه» برقم: 4142، وابن حبان فى «صحيحه» برقم: 711، والحميدي فى «مسنده» برقم: 1097، وأحمد فى «مسنده» برقم: 7439»
وضاحت:
تشریح: - یہ حدیث مبارک خیر کے تمام معانی کی جامع ہے، اس سے یہ بات واضح ہو رہی ہے کہ دنیاوی امور میں آدمی ہمیشہ اپنی حالت کا قیاس اپنے سے کم تر انسان کی حالت سے کرے، اس سے طبیعت میں زہد پیدا ہوتا ہے، حرص اور طمع ختم ہوتی ہے۔ بندہ جب اپنے سے کم تر انسان کی حالت پر غور کرے گا تو اس پر اللہ تعالیٰ ٰ کی اور زیادہ نعمتیں آشکار ہوں گی پھر وہ صبر و شکر کرے گا کہ اللہ نے اسے اس سے بہتر حال میں رکھا ہے اور وہ کبھی یہ نہیں سمجھے گا کہ اللہ نے مجھے کم نعمتیں دی ہیں، یوں اسے زہد اور قناعت کی دولت مل جائے گی۔ لیکن اگر وہ اپنے سے اوپر والے کی طر ح دیکھے گا تو طمع، لالچ، حرص اور حسد جیسی بیماریاں آئیں گی اور طبیعت میں ایک قلق اور جلن پیدا ہوتی رہے گی۔ ہاں دینی امور میں حکم اس کے برعکس ہے، وہاں یہ ہے کہ اپنے سے اوپر درجے والے کی طرف دیکھو کیونکہ بندہ جب اپنے رب کی عبادت کرتا ہو اور اس میں کوشش کرتا ہو کہ وہ اس شخص کو دیکھے جو زیادہ عبادت کرتا ہے تو وہ ضرور یہ خواہش کرے گا کہ میں اس سے بڑھ کر یا کم از کم اتنی تو عبادت کروں یوں وہ اپنے رب کا قرب حاصل کرنے میں لگا رہے گا۔ |